Venres 3 de Abril

Bos días!!
Deixovos por aquí unha mensaxe de parte de todas as profes de 2º e unha actividade de Sociais proposta pola profe Sali.
Que teñades un bo día e unha boa Semana Santa!!💙💙


👱👧ALUMNOS/AS:

Queridos rapaciños e rapaciñas de 2ºA, 2ºB, 2ºC e 2ºD:
Xa finalizamos este 2º trimestre  que empezou moi ben e que rematou dunha forma diferente ao esperado.
As titoras de 2º queremos darvos as grazas porque sabemos que estivestedes traballando moito desde a casa, tanto nas tarefas do cole como axudando no fogar, e portándovos xenial.

Moitos aplausos e bicos para vós 💖💖💖💖💖💖💖💖💖💖

Agora comezan as vacacións da Semana Santa e teredes tempo para descansar, xogar e coller forzas, xa que volveremos o martes, 14 de abril.

Durante estes días de vacacións, nós, as vosas titoras, estaremos aquí no blog preparando material e sempre dispostas a escoitaros.

E como podedes comunicarvos connosco? Pois moi fácil: empregando un medio interpersonal de comunicación que é o correo electrónico (lembrades?).
A continuación explicámosvos como se fai esta tarefa e podedes pedirlle axuda a un familiar da casa. 

Biquiños e vémonos á volta.

📝Ciencias sociais. A tarefa de hoxe consiste en escribir un correo electrónico a vosa titora.

• Prazo: desde hoxe ata o 13 de abril.

• Ao correo do blog: orecunchodesegundoa@gmail.com 

Que podes escribir?:

• Como estades e que botades de menos.

• Que fixestes nestes días.

• Que vos parece a corentena.

• Que facedes para divertirvos.

• Que vos gustaría que fixésemos.

• E todo o que queirades.

Tedes que escribir vós , aínda que teñades faltas de ortografía.

E para rematar. Onte día 2 de abril foi o día do Libro Infantil, así que vos deixamos aquí un enlace por se queredes pasar un ratiño escoitando estes contos de Kaladraka🔝

👨👩FAMILIAS:

Entre hoxe e mañá publicaremos neste blog e no blog de traballando na casa as instruccións para acceder aos libros dixitais da Editorial Santillana e da Editorial Anaya. Recibiredes a través de Abalar ou por correo electrónico a clave de acceso para rexistraros. Voltaremos o 14 de abril; continuaremos cos libros e explicaremos os novos cambios que imos introducir. Un saúdo familias.

As titoras.